Өмнөд Солонгост анх гарч ирсэн цагаасаа өдийг хүртэл дэлхийг шуугиулж буй охидын хамтлаг бол яах аргагүй BLACKPINK юм. Олонд танигдсан хит дуу хөгжмөөс гадна эдгээр охид өөрсдийн үзэсгэлэнт төрх, загварын мэдрэмжээрээ гайхагддаг бөгөөд өдгөө дэлхийд алдартай олон брэндийн нүүр царай, төлөөлөл болж явдаг билээ. Тэгвэл тэдний гоо үзэсгэлэнг бүтээхэд тусалдаг арьс арчилгааны нууцтай танилцъя

ROSE - Хамтлагийн гоцлол дуучин өөрийн арьсанд үнэхээр сайн тохирдог арьс арчилгааны бүтээгдэхүүнүүдээ байнгын хэрэглэдэг бөгөөд шинэ бүтээгдэхүүн  туршиж үзэх дургүй гэнэ. Тэрээр цэвэрлэгээг арьс арчилгааны хамгийн чухал алхам гэж үздэг учир хичнээн ядарч сульдсан ч нүүрээ цэвэрлэсний дараа л унтдаг гэнэ шүү.

JISOO - Тэрээр маш хуурай арьстай бөгөөд чийгшүүлэх маскыг өдөрт 2-3 удаа хэрэглэдэг гэж дурдсан нь олон хүмүүст хэтрүүлэгтэй санагдсан ч энэхүү хэтэрсэн хэрэглээ нь түүний хуурай арьсыг аврах шигшигдсэн арга гэжээ. Мөн тэрээр уруулын арьсандаа онцгой анхаардаг бөгөөд орой бүр скрабаар гуужуулдаг байна.

LISA - Хамтлагийн реп дуучин бүсгүй чийгшүүлэгч тоснуудад нугасгүй дуртай бөгөөд унтахын өмнө их хэмжээгээр түрхээд удаан хугацаанд массажлан шингээдэг байна. Тэрээр тоглолтоор ииш тийшээ явахдаа өөрийн массажын төхөөрөмжүүдийг байнга цуг авч явдаг гэнэ.

JENNIE - Урьд нь  тэрээр өдөрт 2 удаа маск тавьж арьсаа арчилдаг байсан бол хоолны дэглэм барьж эхэлсэнээр бүх зүйл өөрчлөгдсөн гэнэ. Тэрээр өглөө босоод л шууд ди-токс шүүс ууж, коллагенаар баялаг тахианы сарвууны шөл идэхээс гадна өдрийн турш их хэмжээний ус ууснаар арьсаа дотроос нь арчилдаг болжээ.

Эдгээр үзэсгэлэнтэй бүсгүйчүүд бүгд өөр өөрийн гэсэн арьс арчилгааны дэглэмтэй боловч тэд бүгд нүүр будалтаас илүү арьс арчилгааг 1-т тавьдгаараа нийтлэг юм. Өөрийн арьсны онцлогийг тодорхойлж өөрийгөө гаднаас нь бас дотроосоо хайрлаж сураарай бүсгүйчүүдээ!!!