• Арьсныхаа дархлааг дэмжээрэй

Ургамалын тоосонцор нь бидний арьсаар дамжин орж ирдэг гол шалтгаан бол гэмтсэн эсвэл суларсан арьсны дархлаа юм. Гэмтсэн арьсны хаалт нь сүвэрхэг эсвэл үйрмэг хана шиг "гоожиж", улмаар урвал үүсгэдэг харшил үүсгэгч бодисуудыг их хэмжээгээр нэвтрүүлдэг байна. Тиймээс харшлын үед гэмтсэн арьсны дархлааг засах, арьсаа зөв арчлах нь маш чухал юм.

1. Та цэвэрлэгээний шатыг дахин нэг удаа анзаарах хэрэгтэй болж магадгүй. Хүчтэй гадаргуутай цэвэрлэгч нь таны арьсны саадыг хэт их хуулж, хуурайшихад хүргэдэг. Сүүн эсвэл бальзам бүтэцтэй зөөлөн, хөөсөрдөггүй цэвэрлэгчийг сонгоорой.
2.  Арьсны дархлааг дэмжих бас нэгэн чухал зарчим бол арьсыг маш сайн чийгшүүлж байх явдал юм. Тиймээс өглөө болон оройдоо чийгийг маш сайн баригч чийгшүүлэгч найрлага агуулсан (жишээ нь Гиалуроны хүчил) серум ба чийгшүүлэгч тоникийг сонгоорой.

Таны арьсны чийгийг хадгалж, арьсны гадаргуу дээр хамгаалалтын давхарга үүсгэхэд туслах тэжээллэг зөөлрүүлэгч найрлага хэрэгтэй болно. Керамид, сквален эсвэл жожоба тос агуулсан тоснууд нь арьсны хуурайшилтын гол шалтгаан болох гүний давхаргын усны алдагдлаас урьдчилан сэргийлэхэд тусалдаг.

Газрын тосны гаралтай (petroleum gel) тосноос бүү ай, учир нь эдгээр төрлийн тос нь сонсогдож байгаагаасаа хамаагүй сайн үр нөлөөтэй гэдэгт итгээрэй. Үнэндээ шөнийн цагаар вазелиныг унтлагын тос эсвэл маск болгон хэрэглэх нь арьсаа цэцгийн тоосноос хамгаалах маш сайн арга байдаг юм шүү.

                            

• Нарны тосыг бүү мартаарай!

Нарны тосыг өдөр бүр түрхэх ёстойг бид мэддэг ч ойр ойрхон сэргээхэд асуудал тулгардаг билээ. Угаасаа 3 цаг тутам сэргээх, дахин түрхэх боломжгүй гэж бодож байгаа ч яг энэ харшлын идэвхтэй үеэр нарнаас хамгаалах тосыг тогтмол хэрэглэх тал дээр хичээнгүй байхыг зөвлөж байна. Нарны туяа нь арьсны асуудлуудыг үүсгэдэг төдийгүй аль хэдийн гэмтсэн, хэт ачаалалтай болсон арьсны саадыг улам сулруулдаг байна.

                              

• Гуужуулалтаас завсарлага аваарай

Одоо энэ нь бага зэрэг маргаантай байж магадгүй, гуужуул гуужууд гэдэг хэрнээ болохгүй гэнэ үү? Яг харшилын идэвхитэй энэ улиралд идэвхитэй орц найрлага, өндөр тунтай BHAs, AHAs болон үүнтэй төстэй химийн гуужуулагч бодисууд зэргээс хэсэг хугацаанд завсарлахыг зөвлөж байна. Хэрэв та арьсаа гуужуулсаар байхыг хүсч байвал нарны өндөр хамгаалалттай тос түрхэж, хэтрүүлэн гуужуулахгүйн тулд долоо хоногт нэг удаа болгон багасгаж, намар, өвлийн улиралд хэрэглэдгээс бага концентрацтайг хэрэглээрэй.

• Зовхи болон нүдний эргэн тойрноо онцгойлон арчлах

Харшлын ид үеэр нүд үнэхээр хэцүү байдаг шүү дээ улайсан, хавдсан, байнга нулимс гоожиж, мөн загатнах! Ялангуяа өглөө нь сэрэхэд шингэнээ хадгалснаас болж нүд хавагнах хандлагатай байдаг бол зовхины гидрогелэн маск болон чулуун гуаша маш үр дүнтэй байдаг байна.

                               

• Унтахынхаа өмнө шүршүүрт орж, биеийн арьсаа тослох.

Шарилжны тоосонцор идэвхтэй цацагдах үед оройн цагаар нэмэлт шүршүүрт орох нь шөнийн цагаар хамар битүүрэх, амьсгал давчдах, хурхирах гэх мэт зовууруудад асар их өөрчлөлт авчрах болно. Дахин хэлэхэд, ургамлын тоос нь бидний бүх бие махбодид хуримтлагддаг бөгөөд арьсанд хүрсэн газар бүр гэмтсэн арьсаар дамжин нэвтэрдэг. Оройдоо ургамлын тоосыг угааж цэвэрлэх нь үрэвслийн хариу урвалын эрсдэлийг бууруулахад туслах болно, ялангуяа өдөр бүр биеийн чийгшүүлэгч хэрэглэвэл.

Харшлын үед нүүрний арьс арчилгааны нэгэн адил бүтэн биеийн арьсны дархлааг дэмжих нь нэн чухал. Иймд арьс арчилгаатай ижил дүрмийг баримтална: Биеийн зөөлөн угаагч сонгож, хамгийн бага гуужуулж, үдшийн цагаар зөөлөн, гүн чийгшүүлэгч биеийн чийгшүүлэгч эсвэл тос түрхээрэй.

                           

• Үсээ самна!

Өглөө, орой бүр үсээ угаах нь хүн бүрт тийм ч тохиромжтой биш байж магадгүй юм. Гэсэн хэдий ч бидний үс өдөржингөө маш их хэмжээний ургамлын тоос хуримтлуулдаг бөгөөд хэрэв та тоосны харшилтай бол унтаж байх үед хуйханд маш их тоосонцор хуримтлагддаг байна. Үс мэдээж бидний арьсанд хүрдэг иймд ургамлын тоосыг өдөр бүр, өдөрт хоёр удаа самнах маягаар цэвэрлэх нь харшилтай хүний хувьд хийж чадах хамгийн сайн зүйлсийн нэг юм шүү.

Таны хувьд харшлын идэвхтэй улиралд гоо сайхандаа хэрхэн анхаардаг вэ? Сэтгэгдэлээ бидэнтэй хуваалцаарай.