Vagina буюу үтрээ нь латин хэлнээс гаралтай ба “сэлэмний хуй” гэсэн үг юм. Lactobacillus-н төрөл зүйлүүд нь сүүний хүчлийг ялгаруулан үтрээний эрүүл байдлыг хамгаалснаар рН нь сулавтар хүчиллэг физиологийн түвшинд (pH 3.5-4.5) хадгалагддаг ба эмгэг төрүүлэгч микробуудын хэт өсөлтийг дарангуйлж байдаг. Ингэснээр үтрээ хэвийн буюу эрүүл байдаг байна. Гэвч таны идэж буй хоол хүнсний тэжээллэг чанар, таргалалт, стресс, ажлын хэт ачаалал, буруу арчилгаа гэх мэт маш олон төрлийн гадны нөлөөллөөс болж үтрээ энэхүү орчноо алдаж хуурайших, загатнах, ялгадас их гарах зэрэг олон төрлийн өөрчлөлтүүд үүсдэг. Тиймээс, таны бие ба үтрээний эрүүл байдал нь харилцан бие биендээ хамааралтай байдаг.

Үтрээний хэвийн бичил орчин өөрчлөгдөхөд нөлөөлөх хүчин зүйлс

1. Антибиотикийн зохисгүй хэрэглээ - Хэт их антибиотик хэрэглэх нь үтрээнд сөрөг нөлөө үзүүлж, мөөгөнцөртөх нэг шалтгаан болдог байна. Үүнээс сэргийлэхийн тул нэмэлтээр пробиотик бактер хэрэглэх, өөр адил төстэй мөөгөнцрийн эсрэг эм хэрэглэх хэрэгтэй /Эмчийн заавраар/

2. Буруу угаагч хэрэглэх - Хэт хүчиллэг угаагч нь үтрээг хуурайшуулж, загатнаа үүсгэх, таагүй       мэдрэмжүүдийг нэмэгдүүлдэг. Түүнчлэн хэт их угаах болон цэвэрлэхгүй удаан байх аль аль нь сөрөг үр дагавартай

3. Их тунгаар эстроген хэрэглэх - Дааврын гаралтай эм, жирэмснээс хамгаалах эм зэргийг хэт удаан хугацаанд хэрэглэх нь зарим тохиолдолд сөрөг үр дагавартай гэдгийг мартаж болохгүй. 

4. Бариу дотуур хувцас өмсөх - Хэт бариу, даавуун биш дотуур хувцас үтрээнд муугаар нөлөөлдөг байна. Аль болох биенд эвтэйхэн даавуун дотуур хувцас сонгоорой.

5. Стресст өртөх - Таны бие организм стрессдэхэд үтрээ дагаад стресстдэгийг мэдэх үү? Тиймээс сэтгэл санаагаа аль болох тайван байлгаж, дотоод гоо сайхандаа анхаараарай.

Үтрээний эрүүл мэндээ хэрхэн хадгалах вэ?

     

• Үтрээ өөрийгөө цэвэрлэж чаддаг ч гадна бэлэг эрхтэн болон бэлгийн уруулыг заавал угаах шаардлагатай. Гадна бэлэг эрхтний хуниасанд төрөл бүрийн бактери, тослог бодис байдаг учраас зөөлөн бүтэцтэй зориулалтын савангаар угааж болно. Тиймээс байгалийн гаралтай, зориулалтын, үтрээний чийгшил болон рН баланс түвшинг алдагдуулахгүй зөв угаагч, цэвэрлэгчийг сонгон хэрэглэх нь хамгийн эхний зөв алхам байх болно. Түүнчлэн зөвхөн өөртөө төдийгүй хамтрагчдаа ч мөн адил зөв хэрэглээг хэвшүүлбэл хамтдаа илүү эрүүл байх нөхцөл бүрдэнэ гэдгийг бүү мартаарай

• Үтрээний болон гадна талын арьс маш эмзэг, нимгэхэн арьс байдаг учир өөрийн биеийн тосоо хэрэглэх нь төдийлөн тохиромжгүй. Зориулалтын чийгшүүлэх тос, массажны тос зэргийг хэрэглэх хэвшээрэй.

• Умдагны үсийг үргэлж хусах нь буруу. Хэдий харагдах байдал нь тийм ч таатай бус ч энэ үс нь гадны бактериудыг үтрээрүү шууд нэвтрэхээс сэргийлдэг. Тиймээс та үсээ ваксдуулах бол 2 сардаа 1 удаа, хусах бол аль болох хол зайтай байлгахыг хичээгээрэй. Мөн вакс хийлгэж, үсийг хуссаны дараа тайвшруулах бүтээгдэхүүн заавал хэрэглээрэй.

• Цацлага эсвэл зориулалтын салфетка хэрэглэх - Гадуур ажилтай эсвэл олон хүн ордог нийтийн ариун цэврийн өрөөгөөр үйлчлүүлэх үедээ үтрээнд зориулагдсан цацлаг юм уу зориулалтын салфетка хэрэглэж байх нь цэвэрхэн тухтай мэдрэмж өгөх төдийгүй гаднаас нэвтэрч болзошгүй бактерийг устгадаг байна.