Яагаад витамин C хэрэгтэй вэ?

Витамин C-г ууж хэрэглэснээр дархлааны хамгийн сайн дэмжигч болж чаддаг. Харин арьсандаа Витамин С агуулсан бүтээгдэхүүн түрхэх нь арьсны өнгийг жигд цайруулж, нөсөө толбо багасан, батганы сорвийг ч алга болгох шидтэй.

Витамин C-г арьсандаа түрхэхийн давуу талууд:

• Нөсөө толбо, батганы сорвийг бүдгэрүүлнэ
• Арьсны өнгийг жигд цайруулна
• Нэмж нөсөө толбо үүсэхээс урьдчилан сэргийлнэ
• Өглөө түрхснээр арьсийг бохирдлоос хамгаална
• Үрэвслийг намдаана
• Хөгшрөлтөөс урьдчилан сэргийлнэ
• Арьсны коллагены нийлэгжилтийг дэмжинэ

Витамин C агуулсан бүтээгдэхүүн эсвэл витамин C cерум арьсандаа түрхэх гэж байгаа бол дараах зөвлөгөөг уншаарай.

Витамин C нь арьсанд нэн чухал хэрэгцээт элемент мөн хэдий ч хэзээ, ямар бүтээгдэхүүнтэй, хэрхэн хэрэглэх нь хамгийн чухал байдаг. Хэрэв та витамин C серумыг өглөө түрхсэн бол араас нь нарны тос түрхэхээ хэрхэвч мартаж болохгүй. Ингэхдээ SPF 30 болон түүнээс дээш хамгаалалт бүхий нарны тосыг сонгон хэрэглээрэй.

Алдартай арьс арчилгааны влогерууд Витамин С-г өглөө түрхэх нь илүү үр дүнтэй гэж үздэг. Учир нь наранд гарахын өмнө түрхсэн витамин C нь чөлөөт радикалын эсрэг нөлөө үзүүлдэг буюу хөгшрөлтийн эсрэг хамгийн үр дүнтэй байдаг байна.

Витамин C ууж хэрэглэхдээ юунд анхаарах вэ?

Харин витамин C-г ууж хэрэглэх гэж байгаа бол хоолтой хамт эсвэл хоолны дараа уухыг зөвлөж байна. Учир нь витамин C-г хоосон ходоодтой үедээ уувал ходоод цочрох эрсдэлтэй байдаг. Мөн та коллаген уудаг бол витамин C-г заавал хамт уугаарай. Учир нь витамин C болон коллаген нь хөгшрөлтийн эсрэг хамгийн хүчирхэг нэгдэл болж чаддаг байна.

Cose та бүхэндээ дараах витамин C болон витамин С агуулсан арьс арчилгааны бүтээгдэхүүнүүдийг санал болгож байна.