Таны өөртөө итгэх итгэлийг ч үгүй хийж чадах, арьсны хамгийн хэцүү асуудал бол батга. Тэгвэл батганаасаа хэрхэн салах зөвлөгөөг COSE танд хүргэж байна.

• Хамгийн түрүүнд батга гарч буй дотоод шалтгааныг олж тогтоохыг хичээгээрэй. Батга гарахад олон шалтгаан бий. Гормоны тэнцвэр алдагдах, өсвөр насны шилжилтийн үе, ходоод гэдэсний өвчлөл, эсвэл хелико бактер зэрэг шалтгаанууд нийтлэг байдаг. Дотор эрхтнүүдийн өвчлөл эмгэгээс болж таны нүүрэн дээр батга гарч байгаа эсэхийг мэдэхийн тулд мэргэжлийн эмчид үзүүлэн, шинжилгээ өгч зөвлөгөө авах нь батгатайгаа тэмцэх хамгийн эхний алхам юм. Гоо сайханы салон биш, арьсны эмнэлэгт хандах нь асуудалтай арьсанд илүү сайн тус болно шүү.
• Дараа нь батга гарч буй гадаад хүчин зүйлсийг хайж олох хэрэгтэй. Өөрөөр хэлбэл арьсаа сонсож сур. Таны арьс тослогтоод байхад тослог ихтэй тэжээлийн тос түрхээд байвал батга чинь ихсээд байна л гэсэн үг. Батга гарамтгай арьсанд өтгөн бүтэцтэй эссенс, арьсны нүх сүвийг бөглөх өтгөн тэжээлийн тос, sheet маскууд төдийлөн таардаггүй. Харин үүний оронд арьсаа маш сайн чийгшүүлэх бүтээгдэхүүнүүдийг сонгон хэрэглэхийг зөвлөе.
• Арьсныхаа балансыг тэнцвэржүүлэхийн тулд BHA агуулсан бүтээгдэхүүнийг 7 хоног 2-3 удаа хэрэглэж хэвшээрэй. BHA нь таны арьсны тослогийг байхгүй болгодог ч арьсыг тань хуурайшуулахгүй учир маш давуу талтай найрлага юм.
• Хэзээ ч битгий шах. Энэ бол хүн бүрийн чадах хэрнээ хамгийн чухал зүйл. Батгаа шахсанаараа эдгэрэлтийг удаашруулахаас гадна, өөр батга гараагүй арьсны хэсэгт үсэрхийлүүлж батга ихсэх шалтгаан болдог.
• Батганы наалт эсвэл батга хатаагч хэрэглэж байхыг Cose танд аминчлан зөвлөе. Орой арьсаа цэвэрлэж, арьс арчилгааны бүтээгдэхүүнүүдээ түрхсэнийхээ дараа батга гарсан хэсгүүд дээрээ зориулалтын батганы наалтыг наагаад унтаарай. Ихэнх тохиолдолд өглөө нь батга хатчихсан байдаг. Хаанаас авахаа мэдэхгүй байгаа бол Cose-оос захиалж авах боломжтой.
• Спиртнээс татгалзах. Үнэхээр батганаасаа ангижирхыг хүсэж байгаа бол гаднаасаа ч, дотроосоо ч спиртнээс татгалзаарай. Спиртийн найрлагатай батга хатаадаг, маш хүчтэй бүтээгдэхүүнүүдийг өдөр бүр хэрэглэх нь таны арьсыг эмзэгшүүлдэг. Эмзэг арьсанд батга хүртэл “дуртай” байдгийг битгий мартаарай. Мөн батганаасаа салахаар шийдсэн бол алкохолоо багасгахыг зөвлөж байна. Ялангуяа хелико бактераас болж батга гарч байгаа бол алкохол бүр ч хориотой.
• Газтай ундаа, халуун ногооноос зайлсхийж, ус их уухыг энэ удаа зөвлөе. Гэхдээ ус уухдаа өдөрт 2 литр усыг бага багаар ууж хэвшээрэй.

Эдгээр зөвлөгөөнүүдийг ягштал мөрдвөл та батгандаа баяртай гэж хэлж чадах болно. Ингээд хамтдаа манайд худалдаалагдаж байгаа батганы эсрэг бүтээгдэхүүнүүдтэй танилцъя.