Нарны тос заавал түрх. Яагаад гэвэл...

Зөвхөн наранд түлэгдэж, борлохгүйн тулд л нарны тос түрхэх хэрэгтэй гэсэн өрөөсгөл ойлголт бидний дунд түгээмэл байдаг. Гэтэл нарны тос нь хөгшрөлт, сэвх, нөсөө толбо, агаарын бохирдол зэрэг маш олон сөрөг зүйлээс арьсыг тань хамгаалж чадах гайхалтай шидэт бүтээгдэхүүн юм. Арьсандаа хайртай, эрт хөгшрөхийг хүсэхгүй байгаа л бол нарны тосыг өглөө бүр арьс арчилгааныхаа сүүлийн шатанд түрхэж хэвшихийг Cose танд зөвлөж байна.

Нарны тос нь химийн болон минерал гэсэн 2 төрөл байдаг.

Химийн нарны тосны тухай

Химийн үйлдэлтэй нарны тос нь нарны гэрлийг арьсны гүнд нэвтэрсний дараа нарны туяаг дулаан болгон ялгаруулж нарнаас хамгаалдаг. Энэ төрлийн нарны тос хэрэглэдэг бол түрхээд 10-15 минутын дараа наранд гарахыг зөвлөе. Учир нь нарны хэт ягаан туяаг дулаан болгон ялгаруулж нарнаас хамгаалах хэмжээнд хүрэхийн тулд тодорхой хугацаа шаарддаг байна. Химийн үйлдэлтэй нарны тос нь бүтцийн хувьд хөнгөн, амархан шингэдэг, крем пудрын доор түрхэхэд арзайхгүй байх давуу талуудтай. Дээр нь үнийн хувьд физик үйлдэлтэй нарны тосноос илүү хямд үнэтэй байдаг.

Минерал нарны тосны тухай          

Минерал нарны тос нь нарны туяаг арьсанд нэвтрүүлэлгүй буцаан ойлгож арьсыг хамгаалдаг. Энэ төрлийн нарны тосыг түрхмэгц нарнаас хамгаалах бүрэн боломжтой байдгаараа давуу талтай. Нарны тосонд Titanium dioxide, Zinc oxide гэсэн бодисуудын найрлага орсон бол энэ нь минерал нарны тос гэсэн үг юм. Сэвх болон нөсөө толботой хүмүүст энэ төрлийн нарны тос сайн тохирдог. Учир нь таны арьсанд нарны туяаг нэвтрүүлэхгүйгээр, ойлгож хамгаална гэдэг нь өөрөө хамгийн хүчирхэг хамгаалалт болж чаддаг байна.

Ингээд Cose танд дараах нарны тоснуудыг санал болгож байна.